May mga pahiwatig ang Riot Games na nagsasabing sa Southeast Asia manggagaling ang susunod na Valorant agent.
Sa isang interview sa ONE Esports, ibinahagi ng Riot Games Southeast Asia General Manager na si Justin Hulog ang kanyang mga pananaw sa kung ano ang dapat abangan ng community sa sususnod na yugto.
Posibleng magkaroon ng Southeast Asian Valorant agent
Sa kasalukuyan, naka-focus ang Riot sa pag-develop ng Valorant sa tulong ng mayaman nitong kwento at patuloy na nagbabagong meta. Inihayag ni Hulog na binabantayan nila ang mga trends at iniisip na magdagdag ng representasyon para sa lumalaking fanbase ng Valorant.
“We’re constantly paying attention to where the game is most played and, to that end, we’re very reactive to the preferences and cultures of those regions,” sabi ni Hulog.
“As a result, there’s going to be exciting things in store for players. Cool things to come!”
Ito ang dahilan kung bakit may posibilidad na magkaroon ang Southeast Asia ng sarili nitong Valorant agent nang mas maaga kaysa sa iniisip mo. Kamakailan ay nag-post ang Riot Games ng tungkol sa community-powered Battle Pass para sa Episode 4, kabilang ang mga sprays at gun buddies na mga players mismo ang boboto.
Ang mga unlockables na ito ay kumakatawan sa mga iconic symbols, pagakain, at sasakyan na makikita sa Southeast Asian culture, tulad ng Vietnamese banh mi, Thai tuk-tuk, at Filipino jeepney.
Dagdag pa dito, naniniwala ang ilan sa community na ang sususnod na Valorant agent ay ipinakita na sa The Year One Anthem video.
Ang mundo, pati na rin ang Valorant agents at kanilang abilities ay lumilikha ng kakaibang timpla
Kung tatanungin kung ano ang nagdala ng tagumpay sa Valorant sa una nitong taon, ang isinagot ni Hulog ay “worlding”, kung saan kasama ang mga Valorant agents, kanilang abilities, at kanilang mga kwento na nagbubuklod sa kanila.
“Oftentimes, so many first-person shooter (FPS) games are tactical shooters and very grounded in a military-style world,” paliwanag ni Hulog.
“The world, the abilities, the way the Valorant agents are designed and their backstories, to me, is what creates the draw, in addition to the fundamentals of Valorant.”
Ipinaliwanag din nya ang proseso ng paglikha ng isang laro na malayo sa nakasanayang FPS. “There was a very strong focus on addressing the complaints of FPS players in the early design of the game,” kwento ni Hulog. “Things like hit registration, peekers advantage, and making sure there were good support systems in place.”
“Those were the cornerstones: the idea of addressing hardcore players and the fundamentals they want to hit, and creating a rich world that could be built into many different things that would engage and excite players,” sabi ni Hulog.
