Sumusunod sa yapak ng Zeta Division ang Japanese Valorant team na Northeption matapos nilang talunin ang XERXIA Esports sa Masters Copenhagen.
Bagamat hindi halata nang talunin nila noon ang Zeta, 3-1, sa VCT Japan Stage 2 Challengers, naglalaro pala ang koponan nang may partida pagdating sa communication.
Dahil binubuo ang kanilang roster ng mga Korean at Japanese players, dalawang lenggwahe ang ginagamit ng Northeption para mag-communicate. Ito ang ibinahagi ng kanilang flex player na si Tomoki “xnfri” Mariya sa isang post-match interview.
At para lalong maging komplikado ang usapan, hindi man lang daw nakakaintindi ng Korean ang tatlong Japanese players nila.
Hindi pare-pareho ang lenggwaheng ginagamit ang Japanese Valorant team na Northeption
Tubong Korea ang star players na sina Kim “Meteor” Tae-O at Cho “JoXJo” Byung-yeon, kaya’t Korean ang lenggwahe na ginagamit nila para mag-usap.
para maintinidhan ito ng iba pang players, tina-translate ni JoXJo ang kanilang comms sa Japanese, ani xnfri.
Hindi na bago ang mixed language roster, lalo na para sa mga Japanese Valorant team, pero hindi ito naging hadlang para makapagpakitang-gilas sila sa mga international tournaments.
Pinaghalong Korean at Japanese roster din noon ang bumuo sa Crazy Raccoon kasama ang dating Overwatch player na si Byeon “Munchkin” Sang-beom. Tatlong beses na nilang nirepresenta ang kanilang rehiyon sa bigating LAN events, bagamat kinakapos na makapagtala ng magandang resulta.
Inamin din ng in-game leader ng Cloud9 na si Anthony “vanity” Malaspina na nagkaroon sila ng communication issues sa Korean player nilang si Son “xeta” Seon-ho, na marahil ay naging dahilan sa paglipat nito sa T1. Bagamat nakakapag-English naman daw si xeta, nahihirapan daw ito pag matindi na ang pressure.
“We sadly hit our ceiling due to these issues and it’s 100 percent not his fault,” ani vanity noon.
Importante ang communication sa Valorant, ang laro kung saan nauuwi sa husay mag-adapt at mag-respond sa mga nangyayari ang resulta ng laban. Maaaring pagmulan ng pagkakamali o delay ang dagdag na hakbang sa pag-translate ng lenggwahe, lalo na kung magkaiba ng salita ang mga manlalaro sa isang two-versus-two situation.
Sa kasamaang palad, tila hindi nalampasan ng Northeption ang balakid na ito. Kinapos kasi ang Japanese Valorant team sa group stage matapos mabigo kontra FunPlus Phoenix sa decider match. Natapos ang kanilang kampanya sa Masters Copenhagen sa 9th-10th place at mag-uuwi sila ng USD $15,000, o mahigit ₱840,000.
Samantala, masusubaybayan naman ang playoffs ng Masters Copenhagen sa opisyal na Twitch at YouTube channels ng Valorant.
Para sa karagdagang balita sa esports at guides sa mga paborito niyong laro, i-like at i-follow ang ONE Esports Philippines sa Facebook.
Ito ay pagsasalin sa Filipino mula sa orihinal na akda na matatagpuan dito.
BASAHIN: KRU Esports tanging team na nakasali sa lahat nang Valorant international events